yue & 晴兒@BLOG ~!

舊曆生日…	2008年08月29日 Posted in: 隨心

嫲嫲爺爺尋日返左大陸…
今晚之前會返返出黎…
因為今日係個衰仔舊曆生日…
大家都出去食飯…

個衰仔第一次新曆唔係屋企過///
陪唔到牃嫲食蛋糕…(我嫲好中意食蛋糕,,,但其實嗰晚十一點佢返到黎我地有食架~)
今晚佢就要孫仔同佢去食飯…
(其實都唔關事…上年佢舊曆生日都有出~)
自從豬仔B出左世之後…
嫲嫲就中意舊曆生日同D孫仔出去食飯…
上兩個月豬仔B生日都係咁…

但~只限孫仔架咋…冇我份…
因為我生日撞「小雪」(中國廿四氣節其中一個)
多數嗰日就係入冬第一日最凍GE日子..
仲要夜晚出去食…
比我都唔濟啦…
仲要D老人家一齊凍咩~
而且多數佢地都玩緊孫架…
但我記得上年…
嫲嫲佢地玩完孫…
返到黎都唔早啦~
佢都叫我落去一齊食飯…
其實有時唔一定要出去食先叫受重視GE…
次次出去食都食嗰D…
但係屋企食…
嗰晚真係唔駛我做…
都有人煮好晒D野比我食喎~^^

尋日爺爺復診…
唔知佢有冇問醫生呢?
呢排D老人家好多問題…
要搞掂晒D老人家…
我就放心晒啦~ ^^

按此回應 | 回應的RSS | 暫時未有引用通告|

(0)

公公手術	2008年08月28日 Posted in: 隨心

公公今朝十點前已經入手術窒啦…
媽幫我去拎完校服…
就叫我細佬拎返屋企…
佢就出左養和…
公公個手術一路做…
做到兩點幾…
但到4點幾先推返上黎…
原來佢係手術室已經醒左啦…
不過要做檢查///

醫生話公公個手術都算係成功…
切左右邊一塊肺葉出黎…
差唔多11CM啦~
上面有兩舊白色GE…
就應該係CANEER啦…
之後整清晒入面所有野…
再做化驗…
睇吓到底係良性定惡性…
其實佢今次做手術之前…
已經做左化療同電療…
舊嗰D CANEER已經死得7788…
但係做完一個月再檢查GE時候…
居然見到2舊3點幾CM GE野…
所以決定做手術..

始終係做左咁大個手術…
會流血GE…
媽話公公隻手好凍喎~
公公起碼要留係醫院十日…
之後好返D…
仲要打多幾支針落去…
殺死埋體內唔知會唔會仲有癌細胞…
打定落去會好D喎~\

咁就唯有所有公司野都放底晒…
得JOHNNY同PAT去搞…
比公公休息吓啦…
公公入院之前都仲要同JOHNNY&PAT上中山…
不過提早落返黎…
有CANEER之後…公公都未休息過…
要係呢段時間好好調理返身體…

而佢入院呢段時間…
大家都要話公公去左中東…
因為公公有CANEER GE事…
冇話比太婆知…
太婆年紀大啦…90幾歲…
我地有好多野都呃住太婆…
不過冇惡意架…
全部都係善意GE大話…
因為上個禮拜…
故婆GE老公腦癌過左身…
其實已經有左CANEER都有一段時間…
不過大家都諗辦法…
呃住太婆…
太婆唔可以受刺激架啦…
比佢開開心心~
咩都唔知…咪仲幸福…

你地話…到底知道實情..
可以盡量陪佢…
定係唔知實情…
等佢開開心心咁過埋D日子…
邊個比較幸福…

按此回應 | 回應的RSS | 暫時未有引用通告|

(0)

生日..快樂不快樂?	2008年08月27日 Posted in: 隨心

今日係個衰仔十六歲生日…
唔知佢出門口未呢?

呢個禮拜都唔知咩事..
差唔多日日都同佢嘈…

尋晚返到嫲嫲度…
個衰仔都未落黎…
要打上去搵佢…請佢落黎…
佢落到黎拎住舊扭計骰…
係度玩花式…
話自己幾叻可以還原到…
之後嫲嫲拎左佢舊野係度整亂佢…
佢就係度發脾氣…話未有公式可能咁樣還原佢…
之後話我好叫嫲嫲整亂佢…
係度嘈到死…

之後又話..你唔駛聽日可能拎到部機…
佢又收埋佢…
之後我話..機我攞硬…
之後同佢又嘈過…
佢話:邊個叫你出世唔識選擇姐…
激到我呀…幾想即刻入廚房剪左佢舊野落黎!!!
睇吓到底邊個悽涼D!

不過我仍然相信係我慘D…
如果我真係咁做…我一定比全何家人追殺…
唔駛返屋企…
又抵佢得戚GE…
佢係何家長子”的”孫…
按照習俗…就算我係長女…我都係一分錢都分唔到…
只係長子可以擁有…
抵嫲嫲爺爺鍚晒佢…
不過嫲嫲由細帶大我…
都好鍚我…
反而爺爺就…真係好MIND我唔係男仔…
一出世佢抱住我嗰刻…
佢居然話:BB呀BB…點解你唔係男仔黎GE?
之後…媽生多個仔出黎…
爺爺仲唔鍚到佢發癲咩~
唔可以怪人…

之後長期係度嘈到死..
激到我條氣唔順…
咪話買返個返黎…
塞住佢把口…
唔駛咁多野講…
嗰幾十蚊我又唔係拎唔起…
嗰舊扭計骰我又唔係買唔起…
本大小姐唔中意佢咁多聲氣…
買返舊比佢得未~!

扭計滕玩唔到咪拆散佢…合返埋再黎過囉~
佢又話..就係因為咁樣…有我呢D咁GE人…
先會每件事都唔成功…
注定我咁失敗囉~
我失敗?
佢唔敢成散舊野黎玩…
咪因為佢怕失敗囉~
係度玩花式…嘈我地整亂佢..
係因為佢係度自欺欺人…
以為自己好叻囉…
我就買多個返黎比你浪費!

本來我可以今日拎走部機..
相安無事…係條氣唔係幾順姐…
諗住瞓覺啦..
點知佢又無嗱嗱走入黎…
話部NDS唔可以比我喎~
佢今日要同個FD打機喎~
係度煩住晒..
激到我..我話:咁即係點呀…神又係你..鬼又係你啦~
之後我媽一行入黎…
佢就話:你個女係咪癲架..又係度發脾氣…
我真係覺得好無奈…
而家係你一次又一次咁唔比我玩…
仲要惡人先告狀///
OK…你巴閉…我唔同你鬥…亦唔夠你鬥…
你中意點就點…拎走就拎走…
反正你生日…算…
總之唔好煩我…

結果佢16歲生日就可以唔駛係屋企過…
今晚去同班FD去BBQ…
唔知幾點返呀…
但我呢…想同班FD星期六去BBQ…
我媽一句唔得就係唔得…
我就黎18啦…
都仍然係一句唔得就唔得…
睇住佢…我真係睇到呢個世界冇「公平」兩個字!

回應(2) | 回應的RSS | 暫時未有引用通告|

(0)

好唔開心…	2008年08月26日 Posted in: 隨心

尋日雪黎左做啦..
做MING個位…
之後交待左D野就同JOHNNY..公公返大陸啦…

尋晚…幫YO姐部機TEST…
其實都冇咩野…
只係玩隻世運會慢D…
其實未必關部機事///
可能係D GAME GE問題都未定…

之後裕拎去整…
點知間野冇開門…
都唔知點好,,,
可能係個天整定你唔好整呢~嘻嘻~

之後返去…明明尋晚個衰仔話聽日(即係今日)
比部NDSL我玩…
尋晚都有諗住…不如拎走部機先…
但佢如果尋晚想玩…咁咪冇得玩囉…
結果冇攞到,..
之後今朝起身返工…
諗住攞部機…
結果又唔知個衰仔收埋部機去邊,,,
搵黎搵去都冇…
佢專登收埋架~
之後我問媽…
佢又話唔知…
唔幫我搵…
我老豆又叫我快D…
激死我~

好心冇好報架~
佢應承左我架嘛…
諗住比佢玩多晚…
結果就收埋部機…
等我今朝搵唔到…
今日冇得玩…
衰人黎架~
佢收埋部機完全冇人幫我…
個個都幫佢..
明明應承左…
佢地又當冇件事…

之前成年佢拎住部機…
我都冇嘈過…
成年啦…
唔好話玩…
我掂吓部機GE機會都冇呀…
到早幾個月…
老豆買多部PSP返黎…
佢就即刻唔玩部NDSL…
我先有得玩咋…
PSP佢自己DL唔到GAME…
玩左一陣冇玩…
結果又黎同我搶…
佢搶唔到…D人又話我咁大個好同個細佬爭野玩
佢搶到啦…我想借黎玩一陣…
都比佢鬧…叫我去溫書…又拎我成績出黎講…

我唔係大佢好多咋…
我大佢一件多D咋…
點解樣樣野都要我讓晒佢…
電腦..佢要打機..六親不認…人地用..佢就嘈到拆天…爆晒粗咁…
NDSL..佢自己扔底唔玩我先攞黎玩咋…
結果佢要攞返…我就要即刻比返佢…
PSP..我淨係識玩隻泡泡龍…
想攞黎玩吓…結果佢零願借比呀傑..呀KAY玩..都唔比我玩

樣樣野都係公家架…
全部都係老豆比錢買返黎架…
點解佢可以借比邊個就邊個…
佢想幾時玩就幾時玩..
我就唔得…
我又唔係借比人..
你話我借比人..一陣整壞都仲有得講呀~
我自己玩姐…
又唔係真係玩得耐…
都要唔比…

激死我啦~
同一個呀爸呀媽…
就係因為我係大家姐…
你細我嗰年幾…
我就由細到大都就晒你…

你細細個…出牙…我要企係度比你咬…
咬到我膊磺後面舊骨又紅又腫又流晒血咁
到你讀書…樣樣野都就晒你…
媽買野返黎…樣樣都比你選先…
到大D..大家一樣有零用…
你唔去買文具…留返D錢黎玩..去買野食…
要我比D筆你…OK..我連D HI-TDE C都比晒你…
到有部電腦..有部PS2..有部Wii..有部NDSL…
有邊樣唔係得你玩…
有邊部唔係你玩先…
有邊部唔係你話事…
我只係想玩幾日姐…
你唔駛返工..你係屋企仲有幾部機比你玩呀…
點解係都要同我爭姐…

按此回應 | 回應的RSS | 暫時未有引用通告|

(0)

激死我啦…	2008年08月24日 Posted in: 隨心

呢排D第6感真係好強…
之前我又FEEL到MING會比返頭痛藥我…
之後尋日又唔知做咩唔想咁早返工…
結果同老豆係中環食早餐…
之後8點9度返到公司…
返到去…居然入唔到門口…
因為有人換左把門鎖…
搞到我係門口罰企…

之後返到去係咁比人點做野…
仲要搞到我開OT…
點半有多先有得走…

之後即刻趕去旺角…
因為尋日係婆婆同細佬提早慶生..
食到3點幾…
之後過左會展…
等左真係個幾鐘…
入到去…本身諗住行吓先…
之後YO姐又叫我過去…
幫佢過左嗰關先…
YO呀…嗰隻GAME叫超執刀…唔係手術刀呀…
之後玩緊又見到舊垃圾…
我冇玩隻GAME都成年啦…
唔記得點玩有咩咁出奇~
居然話我玩得差?!
你咁叻你幫佢過左啦~
死淨把口~收皮啦你~
之後仲要話我串…
要串對住你…1成功力都唔駛出啦~
早知踩多幾吓~
死垃圾!話我~踩死你~!!!!
死垃圾!對住你…再串d都得呀!
睇你前面…踩你後面呀!!!
去死啦你~!!!!

之後返左去搵我細佬佢地…
又比人鬧…
我只係想買部平平地GE電腦///
多一部電腦用…
咁佢平時又可以打機..
咁我媽又可以打機…
平時又可以攞黎查吓野姐…
之後佢又話我咩都唔識..
又呢樣又嗰樣…
我又唔係收電腦…我點會識…
我話佢咁叻…佢幫我搵部勁GE..又係4000-5000蚊架囉~
兼攞埋電腦100分吖~
之後佢話…你夠講到自己好勁啦…你會考又咁差!

佢之後講咩…我媽幫住佢..我都仲忍到…
但佢一講到會考…
我就忍唔住喊左出黎…
係…我係考得差…我成績係唔好…
我係唔夠聰明…我係死蠢…我由細到大成績都唔夠佢叻…
但唔係我問題呀!
我已經好努力去試…我係唔叻…我係懶散..
咁唔係個個讀書都咁叻架!
我成績唔好唔代表我做唔到野…
考得差我認…你叻..你比我聰明..我認..
你由細到大都叻過我…
你由細到大都聰明過我…
但我已經係其他方面盡量做好啦…
我去學做一個乖乖女…
我唔去講粗口..我要操行考得好..
我做野我想盡量做好…
點解我做咁多野…個個都睇唔到…
淨係睇到我成績比你差…
你日日去溝…你日日落網吧..你日日淨係瞓覺打機…
你成日激死人..同屋企人嘈…
所有所有都唔係缺點…每個人都睇唔到…
就係因為你成績好…
呢解呢個世界咁唔公平…
唔通成績就係代表乖唔乖…
唔通就係因為我成績唔夠你好…
我就係地底泥…咩都要聽你地講…

之後長期我都冇出過聲…
自己行…我咪睇你地搵我…
我返足3個月工…
我係買唔起D咩機…
我只係買到D平機…
你地又話呢D機冇用…
咁有可能一部機4千機蚊…又好勁..又快..咩都包晒..
又有防毒..又有OFFICE..又要快..又要勁..又要輕..又要薄
你搵到一部咁GE機咩!
我係唔識睇咩機…
但我只係知道我可以拎出黎GE錢唔多…
我買部機唔係淨係自己用…
我買返黎都係唔想我地用電腦阻住你打機…
係度嘈嘈吵吵咁..
人地用電腦一陣…就好似殺你全家咁發晒脾氣…
淨係我自己用GE…
我買部細機..2千幾蚊都有啦~
忱晒所有野添啦…

之後去搵老豆…
帶我地去買Wii d game…
之後去食飯..
去到9點…
我已經眼瞓..
上到火車…
已經瞓著左啦…
點知我媽佢地話頭先我dum底個頭瞓覺…
條辮成個噴水池咁…
佢地居然係度影相…嗚嗚嗚…
返到屋企…
我整理好晒d野…
同老公講底聲…返左屋企…
我就已經昏迷啦…

最後尋日ge收穫係…
3張micro sd(玩ndsl嗰d)..一隻4gb手指..一張4gb m2~
好貴…

回應(3) | 回應的RSS | 暫時未有引用通告|

(0)

情誼?!	2008年08月21日 Posted in: 隨心

今日唔返工啦…
MINGMING去左加拿大啦…
公司得返幾個人…
個女魔頭又係度嘈架啦…
佢要扣我人工呀><
今個月少左千幾蚊啦…

今日去完陳震夏…
買左套校服…(未試..^^)
返到黎可以用電腦…

我一ONLINE就見到怡ON左…
見到佢MSN句野…
之後佢搵我傾心事…
佢話佢同家姐冷戰緊…
因為嗰日佢心情好差..講左D悔氣說話…
之後家姐就話唔要佢..
話其實同佢咩關係都冇…

悔氣說話只係導火線…
其實真正原因係咩大家都好清楚…
原因咪就係因為有個白痴仔…
唔中意唔講清楚..
中意邊個唔講清楚..
係度唔嗲唔吊…
成舊垃圾咁…係度累人累物囉…

佢中意邊個..
唔係你可以控制到..
佢係咪中意怡..唔係怡控制到..
就係因為大少可能中意怡…
而怡就做左炮灰…
怡做錯咩姐..
係我個角度…
怡咩都冇做錯…
而且好無辜添…

因為一句悔氣說話..
比個家姐扔底…
立即話佢唔係佢個妹…
如果係咁..真係封埋自己個口都得啦~

做家姐唔係咁做架…
做姐妹GE野…係呢生呢世架…
唔係因為你嬲個白痴仔唔中意你..
中意你個妹..
所以連個妹都唔要..
唔通舊垃圾比你個妹重要咩?
仔..出街隨手拎..都拎都幾件…
但有緣份做到姐妹GE就唔係咁容易…
你估你話唔做..比左我..就係咁容易?!
怡唔係件貨..唔係你話唔要就可以讓比人..
姐妹之間GE情誼…
唔係其他人可以控制到…
其他人只可以做提醒
真正點諗GE係你自己…
其他人唔可以左右你..

每一個人都會有唔開心GE時候
所以每一個人都要有朋友…
去陪佢…去傾訴..去聆聽..

希望你睇諗..
唔好令自己有後悔GE時候

回應(3) | 回應的RSS | 暫時未有引用通告|

(0)

心…	2008年08月16日 Posted in: 隨心

尋日一路睇當狗愛上貓…
我就一路係咁喊…
我係度諗…
點解小巴都可以諗咁多野氹CANCAN…
而我…做咁多野都係枉然…

我尋晚坐車係黎…
同馬騮傾足咁耐…
我一路講就一路喊…
聽到馬騮同女友好返…
我真係好開心…
呢兩日佢女友做左好多野…
馬騮一直都冇覆佢..話唔識佢…
但佢都冇放棄過…
繼續寫好多好肉麻野(局外人覺得姐…佢地會好sweet架…)
佢係咁sd message..msn offline message…好多好多
但我睇到…無論點…我地其他人一早已經原諒左佢…
馬騮都只係口硬心軟…
搞到呢幾日好似內分泌失調咁…
但佢做ge野真係令人好感動…

反之…我望住我自己…
我做左咁多野…
我上網搵吓..有咩拍拖地方好玩又平..唔會造成好大負責…
我諗住有咩地方可以係我地開學之前好好咁玩一日…
因為我知道開左學之後我地見ge機會會更少…
但咁搵邊度d野食ok..環境又romantic ge地方…
但佢講ge野,,/
真係令我好心痛…

尋日發脾氣之後…
佢冇主動搵過我…
每次都係我sd 一個message…佢答返我一個message…
點解佢唔可以主動d搵我…
點知佢知我嬲..唔想講野…佢唔sd message比我…
到尋晚佢打比我..
我話我睇緊電視…
佢完全唔識留意住個電視..
套劇一做完就搵我…
一味繼續等…我搵左佢先…
我個心唔止痛..而且心淡

我唔知佢尋晚做過d咩…
但佢到今日都做未諗到我嬲d咩…
好明顯佢真係咩都冇做過…
係度等我原諒佢…
坐係度個天會比個答案你?!
點解你唔問吓人?點解你唔黎睇我個blog?點解你唔做d野話比我知你想我原諒你…
佢到今日都仲係亂咁一樣一樣sd比我…
我個心唔止痛..唔止淡..而係涼…

佢從來冇用過個心去諗…
你講過d咩…做過d咩…你ge態度…你ge心…
可能我真係好自私…
但有邊個女仔唔自私..
唔想男朋友花多d心思去諗去做…
而唔係一d簡單又草率ge答案…

最後時間去到聽日中午十二點…
如果你係今晚之前都仲未睇到呢篇野…
如果你係今晚之前都仲未搵到個可以同你講我嬲咩ge人…
對唔住…我諗我個心到時已經死左…

按此回應 | 回應的RSS | 暫時未有引用通告|

(0)